понеделник, 27 јуни 2022
ПочетнаЕКОНОМИЈАОд денеска бензините поскапи за два и пол денари

Од денеска бензините поскапи за два и пол денари

Регулаторната комисија за енергетика и водни услуги на Република Северна Македонија донесе одлука со која се врши зголемување на малопродажните цени на нафтените деривати во просек за 1,80 % во однос на одлуката од 16.05.2022 година.

Малопродажните цени на еуродизел (Д-Е V) и на екстра лесното масло за домаќинство не се менуваат, додека малопродажните цени на бензините еуросупер БС-95 и еуросупер БС-98 се зголемија за 2,50 ден/литар.

Малопродажната цена на мазутот М-1 НС се зголемува за 1,903 ден/кг и сега изнесува 54,339 ден/кг.

Од 19.5.2022 година од 00:01 часот максималните цени на нафтените деривати изнесуваат:

Моторен бензин еуросупер БС – 95 – 94,50 (денари/литар)

Моторен бензин еуросупер БС – 98 – 96,50 (денари/литар)

Дизел гориво еуродизел БС (Д-Е V) 86,00 (денари/литар)

Масло за горење екстра лесно 1 (ЕЛ-1) 84,00 (денари/литар)

Мазут М-1 НС 54,339 (денари/килограм)

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 4,216%, кај дизелот за 0,650%, кај екстра лесното масло за 1,312% и кај мазутот зголемувањето е за 3,708%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,619%.

НАЈНОВИ ВЕСТИ

ХОРОСКОП