Земјите членки на БРИКС – Бразил, Русија, Индија, Кина и Јужноафриканската Република, на Самитот Г20 ќе ја разгледаат можноста за создавање на заеднички девизни резерви.
Ова прашње ќе биде разгледано со цел регулација на девизниот пазар, најави рускиот министер за надворешни работи Сергеј Лавров.
Членките на БРИКС ќе се состанат во четврток, на отворањето на Самитот Г20 во Санкт Петерсбург и ќе го разгледаат прашањето за заеднички девизни резерви со цел да се спречи самоволието во формирањето на курсната вредност, пренесува АФП.
„Нашите претставници за време на претстојниот самит Г20 ќе разговараат за основање на развојна банка на БРИКС и создавање заеднички девизни резерви, за што веќе беше дискутирано за време на мартовскиот самит во Дурбан во Јужноафриканската Република“, изјави Лавров.
Шефот на руската влада додаде дека ова ќе им овозможи на економиите на БРИКС полесно да се борат против негативното влијание на флуктуациите на девизните пазари.
