Стапката на невработеност во Австрија во текот на август се зголеми на 6,9 проценти, соопштија денес од австриското Министерство за труд и социјална политика.
Во јули стапката на невработеност во Австрија била 6,7 проценти.
Според податоците на Европската канцеларија за статистика – Еуростат, која своите податоци ги заснова на различни пресметки од повеќе извори, стапката на невработеност во јули била 4,8 проценти.
Се претпоставува дека зголемувањето на невработеноста е поврзано со сезонските фактори.
