14 јуни, 2024
ПочетнаЕКОНОМИЈАСВЕТКомандантите на Азов се јавија од челичарницата Азовстал: Ќе се бориме додека...

Командантите на Азов се јавија од челичарницата Азовстал: Ќе се бориме додека сме живи

Во неделата командантите на полкот Азов и се обратија на јавноста од челичарницата Азовстал во Мариупол, од каде рекоа дека нема да се предадат, и дека ќе се борат додека се живи.

„Ние се бориме против агресорите, непријателот кој носи терор во Украина, против нивното варварство“, рече поручникот Илја Самоленко, додавајќи:

„Предавањето не е опција бидејќи Русија не е заинтересирана за нашите животи. Предавањето е неприфатливо за нас. Не можеме да му дадеме таков подарок на непријателот. Да се ​​биде заробен за мене значи да се биде мртов“, рече Самоленко.

Заменик командантот на Азов, Свјатослав Паламар изјави дека украинските војници во Азовстал ќе се борат додека се живи.

„Ќе продолжиме да се бориме додека сме живи за да им се спротивставиме на руските окупатори“, рече Паламар, повикувајќи на итна евакуација на ранетите соборци.

„Немаме многу време, Русите интензивно не гранатираат“, додаде тој.

Сите жени, деца и постари цивили беа евакуирани од фабриката за челик Азовстал во Мариупол, првично изјави украинскиот вицепремиер доцна попладне во саботата, и покрај тоа што воените офицери изјавија дека рускиот напад врз фабриката сè уште е во тек.

„Овој дел од хуманитарната операција Мариупол е завршен“, напиша вицепремиерката Ирина Верешчук во апликацијата за пораки Телеграм.

Од друга страна, украинската воена команда објави дека руските сили со поддршка на тенкови и артилерија во саботата повторно се обиделе да упаднат во Азовстал. Мариупол остана во урнатини за време на неколкунеделното руско бомбардирање, а фабриката за челик беше во голема мера уништена.

НАЈНОВИ ВЕСТИ

ХОРОСКОП