Британската централна банка (БОЕ) во четвртокот ги зголеми клучните каматни стапки за да ја ограничи инфлацијата, истовремено предупредувајќи на заканата од рецесија поради високите животни трошоци кои ќе ја намалат потрошувачката на домаќинствата.
„BOE“ ги зголеми клучните каматни стапки по четврти пат од декември, за четвртина процентен поен, на еден процент, што е највисоко ниво од 2009-та година.
Инфлацијата во март достигна седум отсто, највисоко ниво во последните 30 години, а до крајот на годината ќе надмине 10 отсто поради поскапувањето на струјата и плинот за домаќинствата, прогнозира централната банка.
Тие ја потврдија прогнозата дека британската економија годинава треба да порасне за 3,75 отсто, но предвидуваат пад на активноста во последните три месеци и тоа за еден отсто, бидејќи домаќинствата ќе ја намалат потрошувачката поради повисоките трошоци.
Реалниот расположлив приход на домаќинствата оваа година се очекува да падне за 1,75 отсто, најсилниот од 2011-та година.
Во ваков амбиент, банката очекува благ пад на економската активност следната година, за 0,25 отсто. Досега очекуваа раст од 1,25 отсто.
Во 2024-та година, нивните најнови проценки се очекува да се зголемат за 0,25 отсто, што е намалување за три четвртини од процентниот поен од она што го очекуваа досега.
