Украинците уништија уште еден руски брод: Гори руска фрегата кај Змискиот остров?

На социјалните мрежи се шират информации дека руски воен брод гори во Црното Море.

Иако информацијата не е независно потврдена, LiveUMap, кој ги следи конфликтите во Украина, објави дека гори руската фрегата Адмирал Макаров. Во тек е спасувачка акција, пишуваат оттаму. Авионите летаат над фрегатата, а во нејзина близина има неколку спасувачки бродови.

OSINTDefender пишува дека најверојатно се точни тврдењата дека руската фрегата Адмирал Макаров била погодена од украинскиот проектил Нептун.

Украинскиот пратеник Олексеј Гончаренко преку Телеграм објави дека фрегатата била погодена од проектилот „Нептун“ и дека е „тешко оштетена“, но дека се уште плови.