Федералните резерви на САД ги зголемија каматните стапки

Федералните резерви на САД ја зголемија каматната стапка за 0,50 процентни поени, што е најголемото еднократно зголемување на цената на парите од 2000 година, објави АП.

Во вторникот почна дводневната седница на ФЕД, а бидејќи инфлацијата во САД е на највисоко ниво во последните 40 години, речиси сите очекуваа вакво зголемување на каматните стапки.

Веќе на седницата во март, ФЕД ги зголеми каматните стапки за прв пат од 2018 година, за 0,25 процентни поени, а се очекува дека ќе продолжи со агресивно заострување на монетарната политика и по мај.