Украинската разузнавачка служба објави дека открила руски шпионски ланец.
Еден од шпионите бил дури и офицер на Генералштабот на украинската армија, изјави во неделата вечерта Алексиј Арестович, советник на претседателот Володимир Зеленски, пренесе украинската новинска агенција Укринформ.
Тој не даде детали за тоа колку шпиони има во синџирот.
„Другарите требаше да соборат патнички авион над Русија или Белорусија и да ја обвинат Украина“, рече тој.
Тој додаде дека за планот требало да се користат противвоздушни ракети од украински залихи.
