Рускиот претседател Владимир Путин предупреди дека секоја земја што ќе интервенира во војната во Украина ќе наиде на „молскавична“ реакција од Москва, јавува Си-Ен-Ен.
„Ако некој има намера да интервенира во актуелните настани (во Украина) однадвор и да создаде неприфатливи стратешки закани за нас, тогаш треба да знае дека нашиот одговор на овие напади ќе биде брз и молскавичен“, рече Путин за време на обраќањето пред пратениците во Санкт Петерсбург.
„Ги имаме сите алатки за тоа – оние со кои никој не треба да се фали. И нема да се фалиме. Ќе ги користиме доколку е потребно. И сакам сите да го знаат ова“, додаде тој.
Путин не наведе детали за кои „алатки“ станува збор.
„Сите одлуки се донесени во тој поглед“, им рече Путин на пратениците, ветувајќи дека ќе ги постигне „сите цели“ на руската „специјална операција“ во Украина.
