Американската компанија „Blackstone Inc.“ ќе ја купи „PS Business Parks Inc.“ за околу 7,6 милијарди долари, проширувајќи го своето присуство на американскиот пазар на недвижности, пишува „Bloomberg“.
Подружниците на „Blackstone Real Estate“ ќе го купат „PSB“ со седиште во Глендејл, Калифорнија за 187,50 долари по акција. Цената е приближно 12% поголема во однос на цената на затворањето на акциите на „PSB“ во понеделникот.
Според договорот, „Blackstone“ ќе преземе околу 2,5 милиони квадратни метри индустриски и канцелариски имот, деловни паркови и станови за изнајмување лоцирани во Калифорнија, Мајами, Тексас и Северна Вирџинија.
„Blackstone“ го забрзува купувањето на недвижен имот со купување на станови за изнајмување, индустриски и канцелариски портфолија. Компанијата потроши милијарди долари во изминатата година обезбедувајќи зделки кои се движат од кампуси до луксузни имоти на Менхетен.
Претходно во април, „Blackstone“ постигна договор за купување вреден 12,8 милијарди долари на студентскиот оператор за домување „American Campus Communities“.
„Blackstone“ со седиште во Њујорк се стекнува со американски станбени средства од секаков вид бидејќи пандемијата го менува начинот на живеење и работа на Американците, а тоа, заедно со ниските стапки на хипотека и ограничената понуда, доведе до бум на цените на недвижностите, како и остриот пораст на кирии со децении.
Големиот бум на „Blackstone“ на американскиот пазар на домување доаѓа кога инвеститорите внимателно ја следат индустријата со знаци за ладење бидејќи каматните стапки на 30-годишните хипотеки со фиксна стапка достигнаа 5% за прв пат од 2011-та година. Потенцијалните купувачи на станови се загрижени од високите каматни стапки, кои се додадени на рекордно високите цени. Договорот помеѓу „Blackstone“ и „PSB“ се очекува да се реализира во третиот квартал.
