Многу странски брендови за облека го напуштија рускиот пазар.
Во пресрет на затворањето на продавниците, редовите луѓе потсетуваа на Советскиот сојуз во периодот на акутен недостиг.
Многу руски производители на облека забележаа зголемување на побарувачката за нивните производи на почетокот на март. Колку е пониска цената, толку е поголема побарувачката. На пример, претставниците на еден од најприфатливите брендови по цената „Телодвиженије“ зборуваат за трикратното зголемување на нарачките минатиот месец.
Тимот планира да отвори сопствена продавница бидејќи досега продаваа стоки преку интернет. „Се разбира, ни треба време. Офлајн продажбата поставува нови барања. Поточно, проширување на асортиманот“, вели генералниот директор на компанијата „СКВТ“ (бренд „Телодвиженије“), пишува Спутник.
Онлајн продавницата „Вајлдбери“ потврдија дека интересот за домашните брендови расте. Од руските производи, облеката, чевлите, прехранбените производи и детските производи се најбарани, вели шефот на прес-службата на компанијата, Валериј Прокопјев. Само во 2021 година на нашата онлајн платформа се регистрираа над 370.000 домашни претприемачи“, посочува тој.
За зголемувањето на нарачките зборува и основачот на брендот „Рош“, Натали Рош. Русинките особено ги сакаат нејзините триделни костуми, двострани костими за капење, туники на плажа и ленени комплети. “Имаме мало производство. Едвај можам да ги задржам цените да не пораснат. При нарачка на големо, трошоците за шиење на единица производ може да бидат помали, бидејќи технологијата на изработка на серија модели е иста без разлика на нејзината големина“, вели Натали Рош.
Основачите на санктпетербуршкиот бренд „Ју“ веќе размислуваат за проширување на производството. „Во новите услови се појавија многу можности. Гледаме зголемен интерес за руските брендови. Вкупниот раст на продажбата беше повеќе од 20 отсто во споредба со истиот период минатата година“, нагласуваат основачите на брендот Алиса Миргородска и Марија ван Молдерен.
Цената на јакната и елегантниот костум „Ју“ е многу пониска во однос на цените на попопуларните руски брендови (цените на оделата во „Ју“ се движат од десет илјади рубли). Во истиот ценовен сегмент е и Рош.
