Синоќа дури 11 земјотреси ја погодија Босна и Херцеговина, најсилниот беше со јачина од 5,7 степени

Вчера, нешто по 23 часот, Босна и Херцеговина ја погодија дури 11 земјотреси, од кои најголемиот беше со јачина од 5,7 степени според Рихтеровата скала.

Првиот беше најразорниот (5,7 степени според Рихтеровата скала), кој најмногу се почувствува во Столац. Едно лице го загубило животот, а неговата сила предизвикала голема материјална штета.

По него следеа слаби земјотреси (до 3 степени според Рихтеровата скала), за да се почувствуваат нешто посилни (над 4 степени) во периодот од три до четири часот наутро. Нивниот епицентар е забележан и кај Столац и Мостар.

Иако епицентарот бил во Босна и Херцеговина, земјотресот се почуствува и во Македонија.