Познатиот производител на шампањ „Vranken-Pommery“, објави дека во првата половина од оваа година ја намалил нето загубата на 0,7 милиони евра, додека во истиот период минатата година таа изнесуваше 1,1 милиони евра.
Оперативната добивка остана стабилна, на ниво од 8,5 милиони евра, додека приходите од продажбата се намалени за 10,8 проценти, на 111,9 милиони евра, пренесува францускиот весник Капитал.
Во соопштението од компанијата се наведува дека продажниот тренд во првата половина од годината ги зајакна изгледите за подобрување на оперативниот профит за цела тековна година, пренесува Капитал.
