Руската храна е тивко, но застрашувачко оружје на земјата, извозот на земјоделски производи го надминува извозот на вистинско оружје, изјави денеска заменик-претседателот на Советот за безбедност на Руската Федерација, Дмитриј Медведев.
Тој на Телеграм напиша дека Русија денес е најголемиот производител на житарици, заедно со Индија и Кина, и дека во последните години стана најголем извозник на пченица.
„Безбедноста на храната на многу земји зависи од нашата понуда. Излегува дека нашата храна е нашето тивко оружје. Тивко, но страшно. „А ако некој не знае или заборавил, извозот на нашите земјоделски производи го надминува извозот на вистинско оружје – лани тој изнесуваше повеќе од 37 милијарди долари“, изјави Медведев.
Тој посочи дека Русија ќе испорачува храна само до пријателските земји, а приоритет останува домашниот пазар.
Медведев изјави дека Русија нема да тргува со храна со „непријателските земји“ и дека списокот на производи забранети за увоз, кој беше одобрен во 2014 година, може да се прошири.
Москва како „непријателски земји“ ги нарекува оние на кои на Русија и воведоа санкции поради нејзината воена интервенција во Украина.
