Шведскиот моден синџир „Hennes & Mauritz AB“ (H&M) пријави ненадејно забавување на растот на продажбата, станувајќи еден од првите трговци на мало кој сигнализираше како војната во Украина влијае на потрошувачката, пишува „Bloomberg“.
Продажбата на компанијата се зголеми за 6% во локални валути во март во споредба со растот од 23% во трите месеци до февруари, објави „H&M“ во четвртокот.
За повеќе од 10% поевтинуваат акциите на модниот синџир пред крајот на вчерашниот берзански ден.
Војната и зголемувањето на инфекциите со Ковид-19 во Кина тежат на изгледите за трговија на мало, што го прави неодамнешното закрепнување краткотрајно. „H&M“ ја прекина продажбата во Русија, која е шести по големина пазар на компанијата и учествува со околу 4% од вкупниот приход. Досега се затворени 227 продавници на „H&M“, повеќето од нив во Русија, Белорусија и Украина.
Со исклучок на овие три земји, приходите на синџирот се зголемија за 11% во март. Добивката пред оданочување достигна 282 милиони шведски круни (30 милиони американски долари) во трите месеци до февруари – многу помалку од просечните проценки на аналитичарите од 1,05 милијарди шведски круни.
Од „H&M“ велат дека поголемите инвестиции во технологијата и синџирот на снабдување го надминуваат профитот. Залихите на компанијата почнаа да се акумулираат во 2016-та година, а сè уште се бори да ги намали на повеќе од 4 милијарди долари. Тие се зголемија на 18,9% од 12-месечната продажба од 18,7% на крајот на ноември. „H&M“ рече дека околу една шестина од акциите се чуваат за да се ублажат какво било доцнење во синџирот на снабдување.
Трговецот на мало ја зголеми својата нето цел за затворени продавници на 145 во оваа година од претходно прогнозираните 120 продавници.
