Просечните часовни трошоци за работна сила во 2021-ва година, во рамките на целата економија, се проценуваат на 29,1 евра во Европската унија и 32,8 евра во еврозоната, што е повисоко во споредба со 28,6 и 32,4 евра во 2020-та година, објави Заводот за статистика на ЕУ ( Евростат).
Просечните трошоци за работна сила по час прикриваат значителни разлики меѓу земјите-членки на ЕУ, при што најниски трошоци за работна сила за час се забележани во Бугарија (седум евра) и Романија (8,5 евра), а највисоки во Данска (46,9 евра), Луксембург (43 евра) и Белгија (41,6 евра).
„Трошоците за работна сила по час во индустријата изнесуваат 29,1 евра во ЕУ и 35,1 евро во еврозоната, а во градежништвото во ЕУ е 26 евра и во еврозоната е 29,3 евра. Во услужниот сектор, трошоците за работна сила по час беа 28,8 евра во ЕУ и 31,6 евра во еврозоната. Во економија која претежно не е ориентирана кон бизнисот (без јавната администрација), трошоците за работа по час беа 30,3 евра во ЕУ и 33,6 евра во еврозоната“, се наведува во извештајот на Евростат.
Се додава дека двете главни компоненти на трошоците за работна сила се платите и дневниците, како и трошоците што не се поврзани со платите (на пр. социјални придонеси на работодавачите).
„Учеството на неплатни трошоци во вкупните трошоци за работна сила за целата економија изнесува 24,6 евра во ЕУ и 25,1 отсто во еврозоната. Најмал удел на неплатни трошоци е забележан во Литванија (3,7 проценти), Романија (4,9 проценти) и Ирска (8,7 проценти), а највисоко во Шведска (32 проценти), Франција (31,9 проценти) проценти) и Италија (28,3 проценти).
Во Литванија најмногу се зголемија трошоците за работна сила по час
Во однос на 2020-та година, во 2021-ва година, трошоците за работна сила по час на ниво на целата економија, изразени во евра, се зголемени за 1,7 отсто во ЕУ и 1,2 отсто во еврозоната.
„Во рамките на еврозоната, трошоците за работна сила по час пораснаа во сите земји-членки, освен во Италија (-1,6 отсто) и Шпанија (-0,3 отсто). Најголем раст е забележан во Литванија (+12,5 отсто), Естонија (+6,5 отсто), Кипар и Словенија (+6,2 отсто), како и во Летонија (+ 6,1 отсто),“ објави Евростат.
За земјите кои не се членки на еврозоната, трошоците за работна сила по час, изразени во национална валута, се зголемија во 2021-ва година во сите земји, а најголем пораст е забележан во Бугарија (+ 9,1 отсто), Полска (+ 8,2 отсто) и Унгарија (+7,3 проценти). Најмалку се зголемени во Шведска и Хрватска (+3 отсто).
„Во 2021-ва година, повеќето земји-членки ја продолжија важноста на шемите за поддршка воведени во 2020-та година, со цел да се ублажи влијанието на пандемијата на коронавирусот врз компаниите и вработените. Тие главно се состоеле од краткорочни работни аранжмани и привремени отпуштања, кои државата целосно или делумно ги надоместувала. Овие шеми генерално се евидентираат како субвенции (или даночни олеснувања) со негативен предзнак во компонентата на трошоците за работна сила без плата“, објаснува Еуростат.
