Рускиот претседател Владимир Путин на 31 март очекува извештај од владата, централната банка и Гаспром за примената на упатството за преминување во рубља за плаќање на гасот што се испорачува на „непријателските земји“, објави прес-службата на Кремљ.
„Владата на Руската Федерација, заедно со Банката на Русија и јавното акционерско друштво Газпром, треба да спроведе сет мерки за промена на валутата на плаќање за испорака на природен гас во земјите на ЕУ и другите земји кои воведоа рестриктивни мерки за руски државјани и руски правни лица. Извештајот треба да биде поднесен на 31 март 2022 година, а потоа секој месец“, се наведува во соопштението, пренесува РИА Новости.
По почетокот на руската специјална воена операција во Украина и заострувањето на западните санкции против Русија, во Европа се зголемуваат повиците за намалување на зависноста од руските енергетски ресурси. На тоа пазарот реагираше со ненадеен скок на цената на гасот.
На 23 март, претседателот Владимир Путин ја објави транзицијата кон наплата на гас за „непријателските земји“ во рубљи и им нареди на централната банка и владата да воспостават процедура за такви трансакции. Истовремено, тој нагласи дека Русија ќе продолжи да испорачува гас во согласност со постоечките договори, бидејќи ја одржува својата репутација на доверлив снабдувач, се додава во текстот.
