Русија ја разгледува опцијата да прифати плаќања со биткоин за нафта и гас, изјави претседателот на Комитетот за енергетика на Државната дума на Русија, Павел Завални.
Тој вели дека на пријателските земји може да им се дозволи да плаќаат во криптовалути или во нивните локални валути, пренесува Би-Би-Си.
Тој додаде дека Русија истражува алтернативни начини за примање на плаќања за извоз на енергија.
Претходно оваа недела, рускиот претседател Владимир Путин, рече дека сака „непријателските“ земји да го купуваат неговиот гас во рубљи. Таа одлука влијаеше цената на гасот за уште повеќе да скокне.
Руската рубља изгуби значителна вредност
Многумина овој потег го толкуваат како напор за зајакнување на руската валута, која годинава загуби над 20 отсто од вредноста.
Сепак, Русија сè уште е најголемиот светски извозник на природен гас и втор најголем снабдувач на нафта.
Завални вели дека Кина и Турција се меѓу „пријателските“ земји кои не биле вклучени во притисокот за санкциите.
„Долго време и предлагаме на Кина да се префрли на порамнување во национални валути за рубли и јуани“, рече Завални.
Со Турција тоа ќе биде лира и рубља, додаде тој, нагласувајќи дека може да се тргува и со биткоини.
Аналитичарите: Русија може да има корист од плаќањата со биткоин и покрај ризикот
Аналитичарите велат дека Русија може да има корист од усвојувањето на популарната криптовалута, и покрај ризиците.
„Јасното прифаќање на биткоинот, во споредба со другите традиционални валути, воведува значително поголем ризик во трговијата со природен гас“, сметаат некои аналитичари.
Тие исто така истакнуваат дека криптовалутите се забранети за употреба во Кина, што јасно го ограничува потенцијалот за плаќање со користење на биткоин.
да плаќа во рубли, сакала или не, сакала или не. Но, во исто време тоа не важи за Србија. Тоа е проблемот што треба да се реши. Се разбира, грижата на Србија ќе биде наш примарен приоритет“, рече Песков, одговарајќи на прашањето како Кремљ гледа на изјавите на Вучиќ.
