Зеленски: Денеска ќе знаеме кој ни е пријател

Помина еден месец од руската инвазија на Украина, која влезе во својот 29-ти ден.

Во синоќешното видео обраќање, украинскиот претседател Володимир Зеленски ги предупреди западните лидери кои денеска ќе се сретнат во Брисел дека Русија ја користи својата економска моќ за да ги спречи сојузниците на Украина да се мешаат во војната.

„Знаеме дека Русите веќе почнаа да лобираат за нивните интереси. Тоа се интересите на војната. Знаеме дека соработуваат со некои партнери“, рече Зеленски во пресрет на самитите на Г7, НАТО и Европската унија денеска во Брисел.