„Twitter“ превзема уште една компанија која е специјализирана за телевизискиот пазар во нејзините напори да стане водечка платформа за огласување на медиумските компании.
„Trendrr“ е пет години стара компанија и е специјализирана за анализа на друштвените мрежи фокусирани на телевизискиот пазар, односно услуги за големи имиња на тој пазар, како што се „ABC“, „MTV“, „Telemundo“ и „Univision“.
Информацијата за превземање од страна на „Twitter“ беше објавена на блогот на компанијата, а во неа беше посочено дека ќе му се придружат на „Twitter“ поради нивниот фокус на податоци во вистинско време.
Инаку „Trendrr“, кој им помага на медиумските компании да разберат како луѓето ги користат друштвените мрежи додека гледаат телевизија, објави дека ќе ги почитува своите досегашни договори, но нема повеќе да ги продолжува.
