Украина бара статус на неутрална земја, да има своја армија и морнарица

Главниот руски преговарач на средбите со Украина и еден од луѓето од доверба на рускиот претседател Владимир Путин, Владимир Медински, откри каква е понудата на Киев за Москва.

-Украина нуди австриска, шведска верзија на неутрална демилитаризирана држава, но во исто време и држава со своја војска и морнарица. За сите овие прашања се разговара на ниво на раководството на министерствата за одбрана на Русија и Украина, рече Медински.

Според него, изјавите на Киев за исклучување на точката за денацификација на Украина од преговарачката агенда не се целосно точни.

-Темата за денацификација и построго казнување, спроведување на законот, на прво место, казнување за величење на нацизмот, неонацизмот, екстремизмот заснован на нив, се уште е важна точка на дневниот ред – рече тој, пренесоа проруските медиуми.