Силна експлозија во близина на Студентскиот дом во Загреб, на Јарунска цеста, завчера пред полноќ ја потресе хрватската престолнина.
Тамошните медиуми веднаш почнаа да шпекулираат дека авион се урнал, но чив? По истрагата се појави информација дека на одредени делови од авионот може да се забележат црвени петокраци и натписи на кирилица!
Некои специјализирани медиуми утврдија дека се работи за стратешко беспилотно летало „Ту-141 Вр стриж“. Останува нејасно само кому му припаѓа и од како авионот од времето на Студената војна дојде над Загреб? И дали неговиот пад во Хрватска покажува дека сега Балканот е на удар?
По громогласната тишина на официјалните лица низ земјите чиешто небо крстареше мистериозниот дрон пред да се урне во Загреб, почнаа „срамежливи“ потврди дека авионот сепак е откриен, но без објаснување зошто никој не реагирал.
