Цената на нафтата изминатите два дена се зголеми за пет проценти, поради се поголемите изгледи за воена интервенција во Сирија.
Нафтата на американскиот пазар достигна цена од 109 долари за барел, додека цената на нафтата на берзата во Лондон се зголеми на нешто над 117 долари за барел.
Растот на цените на нафтата предизвика раст на акциите на енергетскиот сектор за 1,8 отсто, што ги зголеми и берзанските индекси.
Доу Џонс индексот зајакна за 48 бодови или 0,33 отсто, на 14.824 бодови, додека Стандард енд Пурс 500 се зголеми за 0,27 отсто на 1.634 бодови.
