Неидентификуван летечки објект кој се урна во Загреб во четвртокот по 23 часот може да биде извидувачкиот дрон Ту-141 Стриж. Тоа е заклучокот на Тајлер Роговај, експерт за воена авијација и уредник на порталот „Воена зона“.
Роговај детално ги проучувал фотографиите од остатоците од леталото од Загреб и заклучил дека речиси сигурно се работи за дрон. А за приказната да биде уште побизарна, тој смета дека авионот во Хрватска пристигнал од Украина, откако се расипал.
„Цврсто веруваме дека ова е извидувачки дрон кој личи на ракета. Сериозно се расипаl, ја прелетаl цела Унгарија и на крајот падна во Загреб. Неодамна беше објавено дека Украина ги ставила дроновите во функција уште од советската ера и како многумина се знае дека Украинците се единствените во светот што го користат дронот Ту-141“, напиша споменатиот експерт.
Збунувачки и алармантно е тоа што авионот дошол до Загреб. Роговеј објасни и како дошол до тој заклучок.
„Едното крило остана недопрено, што ни овозможи да ги споредиме фотографиите. Секако, збунувачки и доста алармантно е тоа што леталото долетало досега, но што се однесува до овој тип на беспилотни летала, ова не е прв пат, дури ни во оваа војна. Пред само неколку дена еден се урна во Украина“, додаде тој.
“Сосема фасцинантно од советската ера. Сепак, Украинците го подобрија за време на руското освојување на Крим во 2014 година. Реално, ова летало е повеќе крстаречка ракета отколку традиционален дрон. Се лансира од приколка, однапред одредена и користена за собирање разузнавачки информации и снимање “, напиша овој експерт.
Дронот слетал со помош на падобран, а загрепската полиција потврдила дека на местото на падот пронашла два падобрани.
Неофицијално, во остатоците од леталото била пронајдена црвена петокрака и кирилични букви. Ова ја поддржува теоријата на Роговај. Полицијата пронашла и два падобрани.
„Ту-141 Стриж има и падобран, па може да се користи повеќе пати“.
Според тоа, експертот е убеден дека авионот дошол во Хрватска од Украина и на крајот прашал:
„Дронот очигледно прелета над една или повеќе земји. Што прави воздушната одбрана на НАТО?
