Признанието за најдобар фудбалер во светот последните четири години го добива Лионел Меси, но „El Confidencial Digital“ тврди дека тој е најголемиот „диктатор“ во соблекувалната на Барселона.
Според сајтот ѕвездата на каталонците постојано вербално ги напаѓа своите соиграчи во желбата да играат за него . Приговорите за однесувањето на Меси за време на тренинзите имало уште минатото лето.
Пример Кристијан Телјо е меѓу навредуваните од Лео .
„Што правиш? Овде си нов и не си никој . Подај ми ја топката , бидејќи играш за мене” , често му велел Меси , кога не му ја додавал топката , а сам преферирал да ги завршува нападите.
Телјо дури се расплакал поради грубиот однос на аргентинската суперѕвезда .
Алексис Санчез исто така влезе во видното поле на Аргентинецот.
„Слабо играш и не знам како си можел да вредиш толку многу“ , му рекол Лео на Чилеанецот , за кој се платени 37 милиони евра.
Исак Куенка и Давид Вилја честопати биле мета на критиките за време на тренинзите. За време на еден од официјалните натпревари камерите уловија вербален минискандал меѓу Меси и Вилја.
Според овие информации иако Меси делува на тивко и повлечено момче, но во последно време се чини дека тој воопшто не е таков. А неговото име се поврзува и со заминувањето на многу играчи од редовите на Барселона, како Ето, Ибрахимовиќ и останатите.