Денеска треба да се одржи третата рунда преговори меѓу Украина и Русија, а претходно Русија најави прекин на нападите и отворање на хуманитарни коридори од неколку руски градови.
Според руските медиуми, хуманитарните коридори се отворени на барање на францускиот претседател Емануел Макрон.
Некои коридори ќе ги водат украинските граѓани до руските градови. Според РИА Новости, коридорот од Киев ќе води кон Белорусија. Цивилите кои сакаат да го напуштат Харков ќе имаат само коридор што води кон Русија.
Коридорите од Мариупол и Суми ќе водат до други украински градови и до Русија.
