Марина Јацко и нејзиното момче Федор бараат утеха откако нивниот 18-месечен син Кирил бил убиен од гранатирањето во Мариупол, Украина, во петокот, на 4 март.
Марина и Федор, итно се упатиле во болницата по гранатирањето, пишува Си-ен-ен.
Фотографот на Асошиетед прес Евгениј Малолетка ја снимил сцената додека медицинските работници избезумени се обидувале да го спасат животот на момчето, кое не успеало да преживее.
Клучниот град Мариупол е под опсада на руските сили решени да ја зајакнат контролата врз Украина. Украинските власти претходно денеска ја обвинија Русија дека го гранатирала градот, и покрај согласноста на Русија за прекин на огнот поради најавената евакуација на цивилите.
