Киев и Москва не постигнаа клучен напредок во вториот круг од преговорите, но се договорија за хуманитарни коридори за евакуација и најавија трета рунда преговори, за кои беше речено дека ќе се одржат што е можно поскоро.
„Украина и Русија се договорија да обезбедат хуманитарни коридори за евакуација на граѓаните, испорака на храна и лекови“, изјави советникот на шефот на кабинетот на Зеленски, Михаил Подољак.
Другий раунд перемовин завершено. На жаль, потрібних Україні результатів поки що немає. Є рішення тільки щодо організації гуманітарних коридорів… pic.twitter.com/rj7Ajyvs6I
— Михайло Подоляк (@Podolyak_M) March 3, 2022
„Втората рунда преговори заврши. За жал, го немаме резултатот што го посакувавме. Успеавме да се договориме за хуманитарен коридор“, објави украинскиот преговарач.
Тој рече и дека Киев не постигнал резултати во текот на преговорите на кои сметала украинската страна. Додаде дека Украина и Русија разговарале за прекин на огнот и евакуацијата на граѓаните.
Украинскиот претседател Володимир Зеленски изјави денеска дека Украина и Русија би можеле да најдат излез од војната доколку Кремљ ја третира Украина на рамноправна и дојде да преговара со добра волја.
