Еден милион луѓе избегаа од Украина во соседните земји од почетокот на руската инвазија, изјави денеска високиот комесар на ОН за бегалци Филипо Гранди.
„За само седум дена, бевме сведоци на егзодусот на милион луѓе од Украина во соседните земји“, напиша шефот на УНХЦР на Твитер.
Тој додаде дека за милиони луѓе внатре во Украина, „време е оружјето да се замолчи, за да може да пристигне хуманитарна помош и да спаси животи“.
Гранди наскоро планира да ги посети Романија, Молдавија и Полска, земји кои примија голем број украински бегалци.
Генералното собрание на ОН во средата усвои резолуција, со гласовите на 141 држава од вкупно 193 членки, „со која се бара Русија веднаш да престане да употребува сила против Украина“.
