Единиците на руските вооружени сили презедоа целосна контрола над регионалниот центар Керсон, изјави портпаролот на руското Министерство за одбрана, генерал-мајор Игор Конашенков.
Украинските власти потврдија дека руските сили целосно го опколиле Керсон, пренесува Ројтерс.
Конашенков изјави за новинарите дека цивилната инфраструктура, објектите важни за животот на населението и транспортот работат нормално, јави ТАСС.
„Во градот нема недостиг од храна и основни добра“, рече Конашенков.
Тој изјави дека продолжуваат преговорите меѓу руската команда и градската и регионалната администрација за решавање на прашањето за одржување на функционирањето на објектите на социјалната инфраструктура, обезбедување ред и мир и безбедност на населението, пренесува ТАС С.
Претходно Би-Би-Си објави дека руските сили го зазеле Харков, наведувајќи дека доколку падне во рацете на Русите, тоа е најголемиот град во Украина кој досега бил преземен од руските сили.
Градоначалникот на Керсон, Игор Колихаев, претходно изјави дека руските сили во Керсон, град на Црното Море, ја презеле контролата врз железничката станица и пристаништето
Колихаев изјави за локалното радио дека конфликтите и окупацијата на градот се во тек.
Тој изјави дека загинале голем број луѓе, меѓу кои и украински војници и цивили. Би-би-си во текот на ноќта објави дека руските сили биле забележани на улиците на Керсон.
