Откако Украина ги одби преговорите, руската воена операција продолжи, соопшти Кремљ.
Портпаролот на Кремљ, Дмитриј Песков изјави дека рускиот лидер Владимир Путин вчера, во пресрет на разговорите што требаше да се одржат во Минск, наредил да се прекинат нападите, но тие потоа продолжиле бидејќи Украина одбила да учествува во нив.
„Вчера попладне, во врска со очекуваните преговори со украинското раководство, рускиот претседател и врховен командант нареди прекин на напредувањето на главните сили на руските трупи“, рече Песков на денешното обраќање пред новинарите.
Песков објасни дека поради тоа не дошло запирање на борбите, а на кои воделе на неколку локации.
„Вчера рускиот претседател нареди прекин на нападите на руските сили поради исчекување на преговори со украинското раководство. Точно, борбите продолжија таму каде што имаше судири со националистите и бандеровците кои користеа автомобили и камиони слични на џихад-мобиле, само што сега се нарекуваат Бандер-мобиле“, истакна тој.
Песков ги коментираше и санкциите што Западот ги воведе кон Русија, велејќи дека тие мерки се многу сериозни, но дека Москва е подготвена. Тој посочи дека Русија ги презема сите мерки за да продолжи да функционира економијата на земјата.
„Кога станува збор за одговор на тие санкции, прво треба да направиме анализа за да ги координираме нашите мерки кои се во согласност со интересите на Русија“, рече тој.
