Англо-американската рударска компанија „Rio Tinto Group“ се етаблира како еден од големите победници во глобалното економско закрепнување од пандемијата, известувајќи за својот најголем профит досега. Компанијата најави и дека ќе исплати огромна дивиденда.
Сите суровини што ги извлекува „Rio Tinto“ забележаа значителен раст на цените во 2021-ва година во услови на зголемена побарувачка поттикната од економското закрепнување.
Железната руда, најважната суровина компонента на компанијата, достигна рекордно ниво во минатата година, како и бакарот. Дури и алуминиумот, кој е главоболка за компанијата со години по купувањето на „Alcan Inc.“ во 2007-ма година, се движи кон рекорден пораст.
Профитот на „Rio Tinto“ ќе се зголеми за 72% на годишна основа до 21,4 милијарди долари во 2021-ва година. Компанијата ќе ги награди акционерите со дивиденда во вкупна вредност од 7,7 милијарди долари.
Втората по големина рударска компанија во светот заостанува зад своите конкуренти во однос на силниот профит и огромниот принос. Минатата недела „Glencore Plc.“ ја објави својата најголема добивка досега, додека „BHP Group“ оствари силна добивка за втората половина.
Како и многу од неговите конкуренти, „Rio Tinto“ се обидува да ги прошири своите операции во екстракција на суровини кои се клучни за транзицијата кон зелена енергија како бакар и литиум, иако останува во голема мера зависен од железна руда.
„Сите суровини што ги вадиме денес се фундаментални засега, уште поважни за транзицијата и исто така неопходни по неа, вклучително и железната руда“, изјави извршниот директор Јакоб Стаушолм за новинарите. „Ние сме во добра позиција да растеме за да ја исполниме оваа нова побарувачка“, додаде тој.
И покрај огромниот профит, компанијата сѐ уште се соочува со многу предизвици. Стаушолм, кој управува со „Rio Tinto“ нешто повеќе од една година, се обидува да ја промени својата култура откако беше жестоко критикуван за уништување на древните локалитети на Абориџините.
Изгледите на „Rio Tinto“ остануваат врзани со политичките потези на Пекинг, при што кинеските власти се обидуваат да го контролираат растот на цените на суровините. Компанијата, исто така, се соочува со зголемен притисок врз нејзините трошоци и зголемена контрола на инвеститорите врз нејзиниот однос кон еколошките, социјалните и критериумите за управување (ESG).
„Rio Tinto“ предвидува капитални расходи од околу 8 милијарди долари во 2022-ра година, кои ќе се зголемат во опсег од 9-10 милијарди долари во 2023-та и 2024-та година.
Рударската компанија претстави „брилијантни резултати“, но досега цените на железната руда остануваат пониски од претходната година, изјави Питер О’Конор, аналитичар во „Shaw & Partners“. Иако зголемувањето на цените на бакарот и алуминиумот може да понуди одредена компензација, овие суровини не се толку важни за „Rio Tinto“, бидејќи железната руда сочинува околу 75% од нејзиниот приход.
Цените на железната руда остануваат нестабилни, паѓајќи од врвот во мај од повеќе од 230 долари за тон. Во втората половина на 2021-ва година, тие достигнаа просечни 80 долари за тон бидејќи Кина воведе контроли на своите производители на челик за да ги исполнат построгите еколошки стандарди. Оттогаш, пазарот се прошири на 150 долари за тон претходно во оваа година.
Последниот удар за операциите на „Rio Tinto“ дојде од српската влада. Кон крајот на јануари, земјата ги укина лиценците на рударската компанија за истражување и екстракција на литиум по неколкумесечни протести. Со ова се става крај на проектот за кој некогаш се надеваа дека ќе ја поттикне српската економија. Проектот вреден 2,4 милијарди долари ќе му помогнеше на „Rio Tinto“ да стане еден од најголемите светски производители на литиум.
