Најголемата меѓународна хакерска група „Анонимуси“ и објави војна на руската влада, во екот на рускиот напад врз Украина, кој трае веќе втор ден.
„Групата Анонимуси официјално е во сајбер војна против руската влада“, напишаа тие на Твитер.
Хакерските активисти собрани во колективот „Анонимуси“ немаат лидер, ниту се знае кои се членовите, се работи за голем број поединци. Бидејќи нема раководна структура, секој може да тврди дека е член. Тоа исто така значи дека нивните членови може да имаат различни цели бидејќи немаат агенда.
Вчера вечерта издадоа и предупредување дека руската армија се подготвува да го ракетира Киев, што се случи неколку часа подоцна.
Во Киев одекнуваат експлозии од 4:30 часот по локално време. Советник на украинската влада вели дека рускиот авион бил соборен и дека биле спречени неколку ракетни напади. Има повредени. Украинскиот претседател ги потврди информациите за руски ракетни напади во Киев.
Вчера „Анонимуси“ ја хакираа и ја уништија страницата на државната телевизија на Путин, а страниците на РТ беа привремено недостапни.
