Драматични снимки од нападот на Украина ги преплави социјалните мрежи(ВИДЕО)

Рускиот претседател Владимир Путин одобри специјална воена операција во источна Украина, по што руските сили истрелаа ракети врз неколку градови во Украина и ги приземјија силите на нејзините јужни брегови, објавија украинските власти и медиуми. На социјалните мрежи се појавија првите снимки од експлозијата, кои се и почеток на нападот на Украина.

Набргу по експлозијата, украинскиот претседател Владимир Зеленски прогласи воена состојба за целата земја.

Украинските служби за итни случаи ги објавија нападнатите цели во 10 региони на Украина, најмногу на југот и на истокот на земјата, пренесува Гардијан.

Руското Министерство за одбрана соопшти дека ја уништило воената инфраструктура во украинските воздушни бази и ја десеткуваше украинската противвоздушна одбрана.