Научниците од неколку бугарски истражувачки организации ги здружија силите за да докажат дека камениот цвет (Graptopetalum paraguayense) помага во лекувањето на инфекции предизвикани од сезонски вируси и коронавирус.
Истражувањата започнаа во 2017 година, откако беше утврдено дека ова растение има благотворно дејство и помага во лекувањето на конјунктивитис и херпес.
Тогаш научниците решија да ги испитаат лековитите својства на растението кога станува збор за вирусите на грип. Набргу откако започна пандемијата на коронавирус, научниците повторно ги фокусираа своите напори на истражување на ефектите на растението врз човечкиот коронавирус. Истражувањата покажаа дека камениот цвет може многу да го спречи развојот и размножувањето на вирусот – тој е ефикасен над 63 проценти.
На овој проект работат научници од Институтот за органска хемија, Институтот за микробиологија и Институтот за општа и неорганска хемија БАН, Националниот центар за инфективни и паразитски болести и Институтот за агрономија и биологија на Академијата за земјоделство.