Британската кралица Елизабета Втора е позитивна на корнавирус, потврди Бакингемската палата.
Таа има благи симптоми на настинка и се очекува да ги продолжи обврските во палатата следната недела, пишуваат медиумите.
Се додава дека кралицата ќе ја добие потребната медицинска помош, како и дека ќе ги следи сите соодветни упатства.
Претходно овој месец, принцот Чарлс (73) по втор пат беше позитивен на коронавирус.
Здравјето на кралицата Елизабета, најстариот и најдолг владеечки монарх во светот, е во центарот на вниманието откако во октомври минатата година помина една ноќ во болница поради недијагностицирана болест, по што лекарите ја советуваа да се одмори.
