Словенечката влада прифати неколку мерки за ублажување на поскапувањето на енергенсите, меѓу кои е и еднократен дидаток од 150 евра за ранливите социјални групи.
Право на додаток имаат и пензионерите чија пензија не надминува 1.000 евра, инвалидите и повеќечлените семејства.
За таа мерка ќе бидат издвоени над 100 милиони евра
-Владата ќе се обиде да ги намали акцизите за струја и енергија на најниско можно ниво, рече Јанша и додаде дека ДДВ нема да се промени.
Владата усвои и предлог-закон за ублажување на поскапувањето на енергенсите за економијата и земјоделството, со што ќе се обезбедат 70 милиони евра „асиметрична помош“ за компаниите кои се најтешко погодени од енергетската криза.
Мерките ќе важат од 1 февруари до 30 август, а според Јанша тие би можеле да бидат продолжени доколку кризата не се смири, пренесува Хина.
