Пред вас се првите официјални фотографии на редизајнираниот модел на „Peugeot“ – 5008 кој се очекува да биде претставен во Франкфурт веќе следниот месец. „Peugeot“ објави неколку детали кои се однесуваат за ова возило, со нагласок на просторот во кабината.
Овој модел носи унапреден простор во кабината, во користените материјали, како и во практичноста во возењето. Сето ова има за цел да ги привлече купувачите во сегментот на повеќенаменските возила во кој овој модел и припаѓа.
Фотографиите отркиваат малку подобрен екстериер при што промените кои се најзначајни се оние кои се однесуваат на предниот дел од автомобилот. Нови хромирани украси околу предните светла за магла го нагласуваат дизајнерскиот јазик на „Peugeot“ кога станува збор за возилата од „C“ сегментот.
Возилото поседува карактеристики како што е „Head-Up“ екран кој ги прикажува клучните информации кои се пред очите на возачот, така што тој нема потреба да го трга погледот од патот.
За патниците да бидат заштитени во случај на незгода кабината е опремена со шест воздушни перничиња, две предни, две странични и две завеси. Овие последните го покриваат дури и третиот ред на седишта кај верзијата со седум седишта.
Кога возилото се вози по снег, „ASR“ вклучува дополнителна функција. „Snow motion“ е интелегентен систем кој овозможува автомобилот ефективно да се движи по пат прекриен со снег или мраз.
Овој модел ќе биде достапен со дури осум мотори и тоа покрај бензинските и дизел варијантите на купувачите ќе им биде понудена и хибридна варијанта, при што ќе бидат понудени мануелни, автоматски и „ETG“ трансмисии, а опсегот на моќта ќе се движи од 115ks дo 163ks.