Не е невообичаено разновидни совети и бизарни трендови да се најдат на социјалните мрежи, а еден од последните ги поттикна лекарите да издадат предупредување за опасност.
Имено, многу корисници на социјалните мрежи почнале да готват пилешко во сируп за кашлица бидејќи мислат дека тоа им помага да заздрават, пренесува Mirror. На социјалните мрежи овој трик е познат како пилешко „NyQuil“, а на бројни видеа на социјалните мрежи е можно да се видат луѓе како готват парчиња пилешко со сируп против кашлица.
„Кога готвите лек за кашлица како NyQuil, во него вриете вода и алкохол, оставајќи го пилешкото заситено со супер концентрирана количина на лек. Кога ќе јадете едно парче пилешко варено вака, тоа е како всушност да консумирате четвртина до половина шише NyQuil“, предупредува Арон Хартман, доктор и професор, и додава дека овој тренд може да има опасни здравствени последици.
Едно видео на TikTok покажува како маж става пилешки гради во тава и ги пржи на ниска температура, а потоа истура три четвртини од сирупот за кашлица врз пилешкото и го остава да се готви 30 минути.
„Понекогаш пареата навистина ве заспива. Побарајте сина боја како оваа, а потоа исцедете го неискористениот сируп назад во конзервата“, објаснува тој во видеото, кое набрзо стана вирално.
