Казахстанската влада поднесе оставка по протестите предизвикани од зголемувањето на цените на горивата.
Полицијата со солзавец и шок бомби доцна синоќа упадна на протест при што од плоштад во Алмати протера стотици демонстранти, а немирите со часови продолжија во блиските населби од овој најголем град во Казахстан. За време на протестите беа повредени речиси стотина полицајци.
Казахстанскиот претседател Касим-Жомарт Токаев ја прифати оставката на владата и побара ограничување на цената на гасот, а потоа и на бензинот, дизелот и другите социјално важни производи за широка потрошувачка. Тој, исто така, нареди да се размисли за замрзнување на цените на комуналните услуги и воведување субвенции за кирии за сиромашните семејства.