четврток, 18 август 2022
ПочетнаЕКОНОМИЈАКупувањето на социјалните мрежи ќе достигне 1,2 трилиони долари до 2025-та

Купувањето на социјалните мрежи ќе достигне 1,2 трилиони долари до 2025-та

Купувањето на социјалните мрежи како „Facebook“, „TikTok“ и „WeChat“ се очекува да порасне три пати побрзо од продажбата преку традиционалните канали во следните три години, според студијата на „Accenture“, цитирана од „Bloomberg“.

Купувањето на социјалните мрежи, дефинирано како трансакција што се одвива целосно во контекст на таква платформа, ќе достигне 1,2 трилиони долари до 2025-та година во споредба со 492 милијарди долари во 2021-ва година, според консултантската компанија.

Трендот е предводен главно од младите потрошувачи – т.н. Генерацијата „Z“ (родена помеѓу 1996-та и 2009-та година) и милениумците (родени помеѓу 1980-та и 1995-та година) ќе бидат одговорни за 62% од трошоците.

Најпопуларните производи што се продаваат преку социјалните медиуми вклучуваат облека, електроника за широка потрошувачка и декорација на домот. Производите за убавина и лична нега исто така уживаат во растот, а важна улога за тоа играат инфлуенсерите.

Повеќе од половина од анкетираните купувачи на социјални медиуми велат дека имаат поголема веројатност да поддржат помали бизниси отколку големи трговци и имаат поголема веројатност повторно да купуваат од нив. Ова може да им овозможи на новите брендови да градат лојалност и да добијат импулс.

Дополнително, „Accenture“ откри дека околу 3,5 милијарди луѓе користеле социјални мрежи во 2021-ва година, поминувајќи во просек по два и пол часа дневно. Пазарот за рекламирање на социјалните мрежи не е толку заситен во САД и Обединетото Кралство како што е во Кина, каде што 80 отсто од потрошувачите купуваат преку такви платформи, се додава во студијата.

Се очекува Кина да остане најразвиениот пазар за тргување со социјалните медиуми по големина и зрелост, според „Accenture“. Најголем раст е забележан на пазарите во развој како Индија и Бразил.

Извештајот се заснова на онлајн анкета на 10.053 корисници на социјалните мрежи во Кина, Индија, Бразил, САД и Обединетото Кралство, спроведена помеѓу 12-ти август и 3-ти септември. Исто така, вклучува и длабински интервјуа на истите пазари спроведени претходно во 2021-ва година.

НАЈНОВИ ВЕСТИ

ХОРОСКОП