„NVIDIA“ го најави партнерството со компанијата „Activision“ на играта „Call of Duty: Ghosts“ чие компјутерско издание на публиката ќе и биде претставено на 5-ти ноември.
Развиена од страна на студиото „Infinity Ward“ кое ја направи оргиналната верзија „Call of Duty“, играта „Call of Duty: Ghosts“ е вовед во франшизата на новата генерација. Во новата игра продолжува традицијата на испорака на феноменални игри, создавањето на неверојатни филмски сцени и впечатливи ликови и приказни.
„Call of Duty: Ghosts“ ќе ги запознае гејмерите со „духовите“, група на високо квалификувани оперативци кои се опфатени во мистерија. Новата следна генерација на „Call of Duty: Ghosts“ ја зголемува моќта на најсовремената „PC“ технологија, користејќи ги предностите на најновите графички картички, како и „high-end“ картици, вклучувајќи ја и серијата „NVIDIA GeForce GTX 700“.
Инженерите задолжени за дизајнот на игрите на компанијата „NVIDIA“ на лице место работеа со „Infinity Ward“ за да можат да креираат ултимативно „Call of Duty“ искуство за гејмерите.
Официјалното претставување на играта „Call of Duty: Ghosts“ ќе биде оддржано на саемот „Gamescom“ во Келн.
