Virgin Atlantic е една од многуте авиокомпании кои се познати по своите откачени идеи со кои ги импресионираат своите патници…
Оваа авиокомпанија навистина ви дава причина повеќе да ги користите нејзините услуги при вашето патување.
Таа е многу популарна меѓу патниците, благодарение на специфичните услуги кои им ги овозможува. Во нејзината програма се додадени повеќе нови начини на патување и прославување истовремено, како што е Кралската венчавка, летните забави високо во облаците…. а тука нормално е и врвната услуга, специјалните подароци за патниците и приватните катчиња за вистинско уживање.
Нивната најнова понуда е многу возбудлива и неконвенционална, а тоа е специфичната забава која можат да ја искусат патниците на линијата Единбург-Манчестер.
Патниците можат да уживаат во летот со помош на летните забави кои се одржуваат во овој авион, да уживаат со музичките настапи во живо и уште во многу други посластици.
Оваа нивна услуга е наречена „Little Red Live“. Талентираните изведувачи ќе се потрудат вашиот лет да биде незборавен. Сите настапи претходно се најавени преку социјалните мрежи, но не и сите детали, бидејќи оваа компанија е „мајстор“ за изненадувањата кои им ги приредува на своите патници.