„Facebook“ ќе добие одобрение од антимонополските власти на Европската унија (ЕУ) за купување на „Kustomer“, откако понуди попусти кои им овозможуваат на конкурентите да работат со оние на американскиот стартап за услуги за потрошувачи, велат извори запознаени со ова прашање, пренесува „Reuters“.
Серијата зделки на големи стартап компании предизвикаа загриженост на двете страни на океанот. Регулаторите најмногу се загрижени за т.н „убиствени аквизиции“ насочени кон затворање на потенцијалните конкуренти пред тие да станат доволно големи за да бидат закана.
Најголемата светска социјална мрежа го објави купувањето во 2020-та година, што и даде уште една алатка за привлекување повеќе трговци на својата платформа.
„Kustomer“, која продава „CRM“ софтвер на компаниите за да можат да комуницираат со клиентите преку телефон, е-пошта, текстуални пораки, „WhatsApp“, „Instagram“ и други канали, ќе му помогне на „Facebook“ да ја развие својата апликација за разговор „WhatsApp“, која значително порасна во времето на пандемијата.
„Facebook“ направи отстапки кои се фокусираат на прашањата за интероперабилност, дозволувајќи им на различни производи и технологии да работат заедно, според еден извор.
Европската комисија, која рече дека договорот може да влијае на конкуренцијата и да ја зајакне моќта на „Facebook“ во онлајн рекламирањето, побара повратна информација од конкурентите и потрошувачите.
Властите на ЕУ го презедоа случајот откако Австриската агенција за конкуренција повика на такво дејство.
