„Google“ започна да формира тим за „Augmented Reality OS“, чиј фокус ќе биде на создавање на иновативен уред за зголемена реалност (AR).
Тимот ќе го предводи Марк Луковски, кој претходно работеше во „Meta“ и е коавтор на оперативниот систем „Windows NT“.
Според огласот за работа на „Google“, тимот на „Augmented Reality OS“ развива софтверски компоненти кои го контролираат и управуваат хардверот за производите на компанијата од „Augmented Reality“ (AR).
Ова не е прв пат „Google“ да размислува за развој на софтвер за „AR“. Компанијата претходно го создаде „ARCore“ за „Android“ и „Tango“. „Google Glass“ моментално ја користи платформата „Android“.
„Google“ веќе има оперативни системи „Android“, „Chrome OS“ и „Cast“, а тука е и „Fuchsia“.
Компанијата сега планира нов оперативен систем, кој ќе работи на хардвер од следната генерација. Овој хардвер се очекува да има различни барања, како на пример секогаш да вклучува гласовни команди или гласовно препознавање.
