Судејќи по првите фотографии на редизајнираниот „Land Cruiser“ за 2014-та година, од „Toyota“ одлучиле да го променат визуелниот карактер на својот најпознат теренец.
Фотографиите кои се најдоа на интернет не се потврдени од официјален извор, но со голема веројатност може да се сметаат за автентични.
На нив се гледа дека „Toyota“ со малку кометички интервенции се обидела изгледот на „Land Cruiser“ да го направи повозбудлив.
Фаровите се редизајнирани така да ова возило со сигурност ќе остави агресивен впечаток кога ќе го здголедате во ретровизорот, а нов облик доби и маската на ладилникот и предниот браник.
Задниот дел исто така е редизајниран, но е подискретен. „Toyota“ ги освежила задните светлосни групи со промена на нивната графика, а променет е и обликот на лајсната која се наоѓа над регистерската таблица.
