Американската мултинационална компјутерска компанија „Hewlett-Packard-HP“ објави дека нејзините квартални приходи се намалени за осум проценти на годишно ниво, што се должи на забавената продажба која е забележана во последниот период.
Првиот светски производител на компјутери во третиот квартал од фискалната година остварил 27,2 милијарди долари приходи од продажбата, додека во истиот период во 2012 година неговите приходи изнесувале 29,7 милијарди, пренесува агенцијата Франс прес.
Аналитичарите во просек очекуваа дека компанијата „HP“ ќе оствари приходи од околу 27,3 милијарди долари.
