понеделник, јануари 17, 2022
ПочетнаЗДРАВЈЕДишете со полни бели дробови: Пет природни начини да го отпушите носот

Дишете со полни бели дробови: Пет природни начини да го отпушите носот

За време на постудените денови, сите сме повеќе склони кон настинки и респираторни инфекции. Еден од најнепријатните симптоми на настинката е затнат нос бидејќи тоа влијае на нашето сетило за вкус, а со тоа и на нашиот апетит.

Спиете на страна

Затнат нос значи дека многу слуз е заробен во синусите, што ве спречува да дишете правилно. Затоа, важно е да ја држите главата крената во текот на ноќта со додавање на друга перница. Исто така, важно е да се обидете да спиете на страна наместо на грб бидејќи тоа ќе помогне при одвојување. Вашиот нос ќе има многу поголеми шанси да се „суши“ во текот на ноќта, наместо да акумулира уште повеќе слуз.

Хидратација со топли супи и чаеви

Пиењето топли течности можеби нема да ви помогне побрзо да се ослободите од настинките, но ќе ве ослободи од непријатните симптоми. Истражувачите откриле дека луѓето кои пијат топли пијалоци наместо оние на собна температура се чувствуваат многу подобро. Камилицата, зелениот чај, пилешката супа и топлата вода со лимон и мед можат доста ефикасно да ве смират. Плацебо ефектот што го создаваат е многу важен за да се чувствувате подобро и полесно.

Ставете топла облога на синусите

Топлата облога делува така што го намалува воспалението на синусите и го олеснува дишењето. Само земете чиста крпа, натопете ја во топла (но не врела) вода и ставете ја на горниот дел од носот и долниот дел од челото. Топлината на облогата ќе ви ги отвори ноздрите и ќе ви овозможи полесно да дишете. Внимавајте да не ја оставите облогата предолго бидејќи може да ја изгорите кожата.

Купете овлажнувач на воздух

Ладниот и сув воздух што обично го има во нашите куќи уште повеќе го влошува затнатиот нос. Тука добро ќе дојде овлажнувач кој ја ослободува многу потребната влага во просторијата. Можете да го држите уклучен и дење и ноќе, но е покорисен додека спиете бидејќи ви помага да се опуштите и да се чувствувате поудобно. Не мора да се грижите за опасностите и многу брзо ќе забележите големо подобрување на назалната конгестија.

Јадете зачинета храна

Веројатно сте забележале дека носот почнува да ви тече кога јадете нешто зачинето. Ова може да биде добро привремено решение за да го држите носот што е можно помалку затнат. Она што можете да го направите е постепено да почнете да додавате лути зачини во јадењата, како црвени лути пиперки, лук, ѓумбир и куркума. Куркумата можеби нема да ви го отпуши носот, но има одлични антиинфламаторни ефекти кои генерално ќе ви помогнат да се ослободите од настинките.

НАЈНОВИ ВЕСТИ

СЛЕДЕТЕ НЕ

91,751фановиЗаследи
2,158следбенициЗаследи
1,420следбенициЗаследи