Холандскиот производител на пиво „Heineken“ во првата половина од оваа година забележа намалување на профитот од 17 проценти.
Профитот на третиот по големина производител на пиво во светот изнесуваше 639 милиони евра, за разлика од минатата година, кога во првите шест месеци беше забележан профит од 766 милиони евра.
Приходот е зголемен за три проценти и изнесува 10,4 милијарди евра, благодарение на тоа што „Heineken“ ја превзема Азиската пиварница, производител на пивото „Tiger“.
Од компанијата соопштија дека не очекуваат зголемување на профитот во втората половина од оваа година, а истовремено потенцираа дека „Heineken“ продолжува со програмата за намалување на трошоците.
