Членот на извршниот одбор на Европската централна банка и гувернерот на Бундесбанк, Јенс Вајдман, предупреди на опасноста од шпекулациите за излезот на некои земји од еврозоната.
„Она што ме изненадува е тоа колку лесно луѓето го споменуваат таквото сценарио“, изјави Вајдман за германскиот весник Капитал, пренесува агенцијата Франс Прес.
Излезот од еврозоната би имал сериозни последици за земјите кои би излегле, како и за сите други, предупреди шефот на германската централна банка.
„Монетарната унија не е некој вид на клуб од кој можете така лесно да се отпишете, па потоа набрзина повторно да се запишете. Секој кој пропагира излез од еврозоната ја потценува меѓународната поврзаност на различните економии во монетарната унија и далекусежните последици на излезот врз банките и компаниите“, потенцираше тој.
Коментари